فتكات : افضل انواع الديب فريزر

السلام عليكم يا فتوكات
اخباركم ايه
انا لفيت كتير على الديب فريزر علشان كنت عاوزة اشترى واحد ودخلت منتديات كتير ولما استقريت قولت اقولكم على الخﻻصة ومميزات وعيوب كل نوع
اوﻻ من اﻻول كده فى رينجين للاسعار
المعتدل
والغالى
وفى الصراحة حاجات رخبصة اوى بس انا مركزتش معاها
نبدا بالمعتدل
1-بيكو
ده صناعة تركى وضمانه 5 سنين
مشكلته ...ان بيكو ده ماركة تركى غزت السوق بسرعة جدا كل البياعين بيشكروا فيه بس كاستعمال معرفش حد استعمله ولما دخلت على النت اشوف اراء الناس لقيت ناس بتشكر وناس بتشتم فمقدرتش احكم عليه
مميزاته ..شكله شيك ..ادراجه حلوة وقوية

2-زانوسى
..ده تركى برده بضمان العبد
عيوبه ...ادراجه ضعيفة اوى وكله اشتكى انها بتتكسر بسرعة
مميزاته ...شكله معقول وادراجه واسعة جدا
3- هايسنس
..وده المانى تجميع مصانع حربية وبعض المحﻻت بتقول تجميع صينى وضمانه 5 سنين
برده معرفش حد استعمله وشكر فيه او زم غيه
مميزاته ...شكله كويس وادراجه متينة
4- توشيبا
...طبعا بضمان العربى وضمان 10 سنين
مميزاته ...ان العربى ضمان معروف ...وتوشيبا كماركة كويسة ..وادراجه واسعة نسبيا
عيوبه...اوﻻ اكتر حاجة غيه 5ادراج ورف مغيش اكبر من كده ..غير انه عريض كده فى عرض التﻻجة ..يعنى شكله وحش اوى
تانى حاجة اللون المتوفر ابيض او بيج السلفر قليل اوى فى السوق
5- وايت ويل
ده مصرى ..ضمان 5 سنين ..
عيوبه ...الناس كلها بتشتم فيهم وفى ضمانهم انهم مبيعبروش حد
مميزاته ..شكله كويس
ندخل بقه على الرنج الغالى
1_ اريستون
...ده ايطالى ...ضمان بى تك..فى ناس بتقول 5 سنين وناس بتقول سنتين ..
منيزاته..ادراجه قوية وواسعة ...مماركة معروفة ومتجربة والناس كلها بتشكر فيه
عيوبه ...زنان شوية بس بسيط مش كتير ..تانى حاجة انه 5 ادراح واسعة ..ودرج فوق صغير ..ودرج للتلج ...يعنى فغليا 5 ادراج بس هم معتبرينه 7 درج
2-سامسونج
..كورى ..ضمان 10 سنين ...ضمان سامسونج
مميزاته ..شكله شبك اوى ..وادراجه متينة ...
عيوبه ..ادراجه ضيقة جدا وللاسف غالى اوى والناس متعرفش عنه حاجة ﻻنه غالى فمعدل بيعه مش عالى ...يعنى حاولت اشوف راى الناس فيه على النت ملقتش خالص
3-وايت ويستنج هاوس
طبعا ده امريكى تجميع تركى ..ضمان 5سنين ...
مميزاته ..اوﻻ كفايه ان موتوره امريكى ...ادراجه واسعة جدا
عيوبه...ادراجه ضعيفة اوى ..تانى حاجة ضمانه مش معروف يعنى بتقولى الضمان الشركة الهندسية اللى فى شارع كذا ...تالت حاجة للاسف انه مش معروف فى مصر خالص ونسبة شراؤوه قليله وبالتالى الفيد باك بتاعه قليل
فى طبعا انواع اغلى من كده ب8000 و9000 ...وفى حاجات رخيصة ب 2000 بس الصراحة انا مركزتش فيهم
بعد اللف الطويل بقه انا كنت ناوية اﻻول اشترى ساميونج ...بس اللى وقفنى ان فعﻻ ادراجه ضيقة اوى اوى
وبعدين فكرت فى ويستنج هاوس ...بس جوزى خاف منه ﻻن ضمانه مش معروف ...
وفة اﻻخر جبت اريستون بس مش عن اقتناع اوى ولكن ده احسن اللى ادامى
واختى اشترت توشيبا برده
انا حبيت انقلكم خبرتى ..ﻻنى تعبت فى اللف اوى ونزلت مواضيع كتيره هنا بسال عن احسن نوع ودخلت منتديات كتيرة اقرى فيها عن اﻻنواع فقلت افيدكم
واخيرا متنسونيش بدعوة بظهر الغيب ...
وجزاكم الله خيرا