بذرة القاطونة للتخسيس فتكات
فتوكاتي حبيباتي انا اول مره اكتب في القسم ده بس جبيت افيدكم انا امبارح كنت بتفرج على برنامج للدكتور عبد الباسط السيد غني عن التعريف طبعا وقال خلطه تخسيس سهله مقبوله هيه عباره عن 100جرام رجل الاسد ولها اسم تاني الي هوه لوف السباع واسم تالت هوه عبائة السيده الناس طبعا اختلفو ان عبائة السيده ليست رجل الاسد لاكن الدكتور ده تخصصه اعشاب واكد انه هيه نفسها تانيا 100 جرام شمراو بذور الشمار 100جرام رجله طريقة الاستخدام تطحني رجل الاسد طبعا وتخلطي معاها بذور الرجله والشمر وتاخدي ملعقة اكل وتضعيها بكوب به ماء يغلي وتاخد غلوه وحده بس وتشرب قبل الغداء والعشاء بربع ساعه طبعا رجل الاسد بتسد فراغات الجوع في الدماغ والشمر يشد الجسم اثناء التخسيس والرجله تملئ المعده وتحسسك بالامتلاء يعني هوه قال تلاته في وحد تخسيس شد واحساس بالشبع طبعا وقال تظيفي لهم 100 جرام بذرة قاطونه وتؤخذ بعد الفطار او اثناء الفطار انا مش تخينه وزني62 وطولي 167 بس عندي زوايد بسيطه في الارداف عايزه انزلهم وانشاء الله اجربها.

ولبذرة القاطونة استخدام اخر تقشير البشره وتنظيفها من البقع وحب الشباب 

تعالى اققولك ازاى تستعمليها 
اخدها وهتحطيها في مطحنة الخلاط ( اللي بنطحن فيها الكمون والفلفل الاسود )
وطحنتها فيه لحد لما شفت في مادة بيضة مترسبة في قاع المطحنة
هي دي بقى المادة الصمغية اللي بتخليها تشد الوجه
المهم
انت بتاخدي معقلتين كبار وتبدئي تاخدي بايدك قطرات مية علشان تعجنيها بيها
خدي بالك بقولك قطرات مية وكل لما تحسي انها لسا يابسة حطي كمان قطرتين لحد ما تحسي انها بقت زي السويت
وتحطي قطرات صغيرة من زيت اللوز المر ( الطبيعي ) وتبدئي تفرديها على وشك
وابتعدي عن منطقة العين لاني الوصفة شديدة اوي
حتحسي انك شكلك بشع اوي وانتي حطاها بس معلشي لان النتيجة رهيبة بجد
تحطيها على وشك 3 ساعات بدون ما تتكلمي علشان هيا بتبقى شد الوجه اوي فلو اتحرك وجهك حتلاقيها وقعت منك
نتيجتها روعه وهتتفاجئي من النتجة وع ضمانتي يلا جربو وقولولى رايكم يافتوكات .