فتكات : صابون المواعين من بواقي الزيت

طريقة عمل صابون المواعين فتكات

طبعا زيت القلي بيترمى ومش بتستعمليه
هاتيه يا ست الكل واعملي بيه الصابون ده
للمواعين وخصوصا الالمونيا
وكمان لبقع الهدوم والله بغسل بيه السيراميك والاحواض وبيطلعوا فللللللللللللله

المقادير
بواقى زيت القلى (نقوم بتجمبعه لتر او لتر ونصف)
ربع كوب بوطاس ( الصودا الكاويا)
12 كوب دقيق
ممكن ريحة ( تفاح او ليمون ) وجلسرين

طريقة التحضير
نحضر وعاء صاج جردل اوغيره
نصفى الزيت من الرواسب
ندفى الزيت (بس)ثم نضيف الدقيق تدريجيا مع التقليب الجيد حتى لا يتكور الدقيق
فى وعاء تانى (بلاستيكى ) هانضيف 2 كوب ماء فاتر ونضيف البوتاس بحرص(حطى حاجه علي منخيرك) ولو كان الوعاء واسع كان افضل لفوران البوطاس ونقلب
ثم نضع البوطاس على الزيت ونقلب ثم نضع ريحة والجلسرين وهنلاحظ ان انه بدأ يمتزج مع بعضه ويتقل
نفرش علبه او درج خشب قديم بكيس بلاستك من الجوانب ونصب الخليط فيه ونتركه لتانى يوم حتى يجف ثم نقطعه الى قطع زى ما بنشوف الصابون عند البائع

وبـــــــــس كدا
لو الموضوع عجبك قيمي
وان شاء الله ابقي اكتبلكم طريقه الصابون السائل (البيريل)وطبعا اوفر بكتيير .