فتكات : عزومة غداء + افكار جديده

عزومة غداء فتكات
حبايب قلبى وحشتونى اوووى

طبعا كلنا عارفين حيرة كل عزومة وتعملى اكل ايه وطبعا مبتبقيش عارفه ضيوفك بيحبوا ايه ومبيحبوش ايه

انا هديكى اقتراحات واصناف تعمليها وكمان فكرة حلوة وشيك هتعرفى بيها ضيوفك بيحبوا ياكلوا ايه

الفكرة ببساطه انك هتعملى زى دعوة غداء بس بايديك زى دعوات الفرح بس الفرق انك مش هتتكلفى حاجه خالص وهتبقى مبدعة جدا

وبعدين بقيت الصفحات على شكل مينو زى بتاع المطاعم وهوريكم ازاى

ده مثلا مينو الفرخ
الاصناف

1- شربة لسان عصفور.
2-فراخ شواية.
3-مكرونة بشامبل.
4-بفتيك.
5-سلطة خضراء.
6-سمبوسك.

وطبعا العصاير يا اما حاجه ساقعه يا عصاير طبيعية.

ودى مينيو السمك

الاصناف:-

1-شوربة سى فود او ملوخية بالجمبرى.
2- جمبرى مقلى.
3-طاجن سبيط.
4- انواع سمك مختلفة ( حسب رغبتك).
5-سلطة طحينه.
6-ارز احمر.

ودى اخر حاجه مينيو حمام
1-حمام محشى.
2-ارز بالخلطة وعليه موزة.
3-صنية جلاش باللحمة المفرومة.
4-ورق عنب.
5-سلطو كول سلو او سلطة خضراء.
6- شوربة حمام.

انا مش مرتبالهم بس المفروض الشوربة وبعدين المقبلات وبعدين الاصناف تقريبا.

وبس كده ايه رايكم ؟