السلام عليكم يابنات .. لفت نظري عنوان موضوعكوا وقولت اشارك بسرعة وافيدكوا بتجربتي انا كمان .... !
انا روحت اول مرة اسال واستفسر وقابلت الدكتور مدحت عامر صاحب المستشفى لإنه اساسا دكتور ذكورة والمشكلة عندى من زوجى وهى مشكلة صعبة جدا ونادرة هو عنده تشوهات 100% فى رأس الحيوان المنوى
المهم ان الدكتور مدحت ده هو اول دكتور يدينا امل بصراحة رجل محترم جدا .......
قالولى اروح تانى يوم للدورة عشان اعمل التحاليل عندهم وكشفوا عليا بالسونار المهبلى عشان يشوفوا التبويض وبعدين لما لقوا التحاليل تمام قالولى تيجى اليوم العشرين من الدورة عشان اخد الابرة التحضيرية وروحت اخدتها وبعدين تروحى تانى يوم الدورة الجديدة هيعملولك تحليل اسمه A2
وهيدوكى جرعة التنشيط اللى تناسبك وبتكون 3 ابر فى سرنجة واحدة كل يوم لمدة اسبوع وبعدين الاسبوع اللى بعده هتروحيلهم يوم بعد يوم يتابعوا التبويض وممكن يزودولك الحقن تانى لحد لما البويضات توصل للحجم المطلوب.....وبعدين هيحددولك يوم عملية سحب البويضات ....هتكون ببنج كلى هتعمليها وتروحى وتانى يوم هيتصلوا بيكى ويقولولك ميعاد نقل الاجنة وبيكون بعد عملية السحب ب3 او 5 ايام وبيكون من غير بنج بس مش مؤلمة ماتخافوش....... هتروحى تنقلى الاجنة وقبل عملية النقل هيقولك الدكتور انتى عندك كام جنين وهينقلولك كام ولو فى باقى هتجمديه..... * ياريت تباتى فى المستشفى لتانى يوم عشان الحركة فى الاول غلط
بالنسبة لتحاليل التجلط والاجسام المضادة انا معرفش هما هملوهالى والا لا بس انا معادى معاهم يوم الاتنين الجاى عشان يشوفوا اسباب الاجهاض ايه بس هما ما قصروش معانا فى حاجة اى سؤال تانى يا بنات انا تحت امركم يااحلا منتدي فتكات فى الدنيا .
( تجربتي ) مستشفى ادم الدولى وكل التفاصيل