تيربو سليم فتكات
احذرى ياحبيبتي قبل استخدام تيربو سليم للتنحيف والتخسيس الحذر ثم الحذر وتجربتي معاه .
الموضوع حبوب التخسيس و المساعده على التخسيس و تجارة الأبالسة دى اللى للأسف فى لحظة ضعف و بمشورة شيطانية أخدت حبوب أسمها تيربو سليم بعهالى واحد شغال فى صيدليه ب 230 جنية عبارة عن علبة فيها خمس شرايط كل شريط 6 كبسولات و طريقة الإستخدام بماية دافية على الريق و غرضها (سد الشهية ) و مكتوب عليها انها منتج طبيعى 100% و مكون من فواكه و اعشاب طبيعية
من اول يوم حصل المفعول و كنت سعيدة جدا جدا و مر اسبوع من غير مشاكل فى تانى أسبوع نزل عندى افرازات مدممة كتير جدا يوم و التانى و التالت معاها ابتدى يظهر أرق عندى اصحى كذا مره خلال الليل تقريبا كل ساعتين بعد كده قضيت تلات ليالى من غير نوم 
و ابتديت اتدمر (وطبعا مش على بالى موضوع الحبوب الزفت اللى باخدها دى لأن علامة الدم دى فكرتنى ان عندى لخبطة هرمونات خصوصا اني كنت عندى ضغط عصبي فى الفتره السابقة ) روحت طبعا لدكتورة باطنة تبع شغلى بشتكى من عدم النوم و الإجهاد الشديد و ذكرت موضوع الدم اللى مش فى ميعاده خالص ده فا كان تشخيصى بسبب انى سنى 30 سنة و غير متزوجة طبعاً لخبطة هرمونات و اصبري لو طول نزول الدم ده اكتر من اسبوع تتحولي أمراض نسا و ادتنى حبوب تساعدنى انام علشان مايحصليش انهيار عصبي و ابتديت انام بالمنوم 
يومين و الدم اختفي حاولت استغنى عن المنوم مابنمش طبيعي برضو 
قولت لنفسي اعصابى متوترة و كده و حبه حبه هارجع طبيعية و عدى الاسبوع التانى دخلت فى الأسبوع التالت ابتديت احس بجفاف شديد اوي فى بقي كأنى واكله قطن مستمر و بداية ظهور صداع شديد و اتطور لدوخة كده فشكيت انى علشان الرجيم اللى عاملاه ممكن يكون في فيتامينات عندى ناقصة فأخدت فيتا بلس تلات ايام كده لحد ماقضيت يوم كامل بقيت حاسه انى هايغمي عليا قولت مابدهاش اعمل تحليل دم اشوف في ايه نقص عندى جامد كده عملت اليوم اللى بعده تحليل دم و طلع سليم مافيهوش حاجة و احساس انى هايغمى عليا مستمر و كان اليوم ده يوم خميس يوم الجمعة نفس الشعور لحد الحصر كده ماشية فى البيت الدنيا ضلمت مرة واحده ووقعت اهلى قاسولى الضغط لاقيت 111/57 
اتصلت بمدربة الجيم اللى بروحه و حكيتلها عن الدوخة و الضغط و الوقوع قالتلى كلى فورا اكل مملح و فيه سعرات حراريه فورا و شوفي الضغط بعدها اكلت و بعدها لسه مش مظبطة الضغط 136/65 تانى يوم قيست الضغط زبط بس قلبي عمال يخبط فى صدري هايموتنى والدتى شكت فى الحبوب الهباب دى تيربو سليم قالتلى ابطلها وانا ماسمعتش الكلام ماصدقتش دى اعشاب يعنى روحت الجيم كالعادة مش قادرة اتحرك ووقعت تانى حكيت كل حاجة للمدربة اترعبت طبعا و قالتلى ازاى تاخدى الزفت ده بيخرب الجسم و شالونى على المستشفى دخلت طوارئ و عملولى الإسعافات الأوليه كنت متلجة و بترعش و قلبي عمال يخبط في صدري و مش عارفة اتكلم كويس ادونى حقنة مهدئة لأن الدكتور ماكانش عارف الحبوب دى و أول مرة يشوفها و مايعرفش أثرها .....عملت بحث على النت و اكتشفت ان الحبوب دى بيتضاف عليها مادة محرمة دوليا اسمها ((السيبوترامين)) بتدمر الجسم حتى لو سليم و بتأثر على القلب و الكبد و الكلي و لاقيت كل الأعراض اللي عندى (اضطراب هرمونى ، أرق ، جفاف بالفم، اضطراب دورة دموية ، خفقان بالقلب، اضطراب أعصاب ، إكتئاب شديد ، دوار ) و كان اللى ناقص عندى ---> سكتة قلبية ، سكته دماغية 
و فى حالات كتير اتوفوا فوراً منه دون وجود تلف بأجسامهم كنت بموت حرفيا و كأن جسمى كله متشبع بسم جواه مش قادره لا أتحرك و لا أفكر و لاحتى أتكلم أمى سألت لحد ماوصلنا لدكتور متخصص في وحده السموم في القصر العينى و طلع عارفه و قالنا انه مش سم بس هافضل لمده 74 ساعة عقبال ماجسمى يتخلص من أثره و اروح لدكتور باطنة شاطر جدا على دراية بيه و بمكوناته علشان يعالج الاثار الجانبية اللي عندى و الحمد لله اتوفقنا لدكتور كويس و عارف السم الهاري ده 
طلب منى تحاليل غده و وظايف كبد و كلى علشان يطمن لطول المده نسبيا وصل لأجهزة جسمى تلف ولا لأ بس طبعا حصل عندى ضرر فى ضربات قلبي و الأعصاب و ادانى ادوية منظمة لضربات القلب و الأعصاب مع منع المجهود لمده 10 ايام و الاستمرار على المنوم لحد مارجع انام طبيعي أو لحد ما يشوفنى تانى ......طبعا مر عليا تلات ايام جحيم بس كل يوم افضل من التانى الحمد لله لسه ضربات قلبى ماتظبطتش هى و أعصابى اوي و لسه مش بنام طبيعى بس الحمد لله فى تحسن كل يوم و طلعت نتايج اختباراتى سليمة و الدكتور قالى انتى نفدتى بأعجوبة ربنا كاتبلك عمر .....ادعولي شفائي يتم على خير و يارب تكونوا استفدتوا من تجربتى و تعرفوا غيركم مايقعوش فى الفخ اللى وقعت فيه فى لحظة يأس 
و يجازى ولاد الحرام اللي بيصنعوة و يستوردوه و يبيعوه و طبعا بما انى ماكتبلوهيش دكتور و لا اخدت فاتورة من الصيدلية ماقدرش ابلغ و اخد حقى فى الجريمة دى اللى هايقع فيها غيري طول ماهما مستمريين بيبيعوا و في ظل غياب التوعيه و استمرار شركة ماجيستيك دى اعلانتها على القنوات الفضائية ليل و نهار عن السموم اللى بتبيعها و تغش الناس و تستغلهم دون ادنى ضمير او مسؤلية .
ودا فيديو بياكد كلامي ياريت تشوفوه هوا كمان .
وقبل ا شىء استشيرى الدكتور لان اكتر ادوية التخسيس نفس النظام وليها اضرار خطيره عليكي ياحبيبتي عفانا الله وعافاكم يارب احلا فتكات .
احذرى ياحبيبتي قبل استخدام تيربو سليم للتنحيف والتخسيس الحذر ثم الحذر وتجربتي معاه .
الموضوع حبوب التخسيس و المساعده على التخسيس و تجارة الأبالسة دى اللى للأسف فى لحظة ضعف و بمشورة شيطانية أخدت حبوب أسمها تيربو سليم بعهالى واحد شغال فى صيدليه ب 230 جنية عبارة عن علبة فيها خمس شرايط كل شريط 6 كبسولات و طريقة الإستخدام بماية دافية على الريق و غرضها (سد الشهية ) و مكتوب عليها انها منتج طبيعى 100% و مكون من فواكه و اعشاب طبيعية
من اول يوم حصل المفعول و كنت سعيدة جدا جدا و مر اسبوع من غير مشاكل فى تانى أسبوع نزل عندى افرازات مدممة كتير جدا يوم و التانى و التالت معاها ابتدى يظهر أرق عندى اصحى كذا مره خلال الليل تقريبا كل ساعتين بعد كده قضيت تلات ليالى من غير نوم و ابتديت اتدمر (وطبعا مش على بالى موضوع الحبوب الزفت اللى باخدها دى لأن علامة الدم دى فكرتنى ان عندى لخبطة هرمونات خصوصا اني كنت عندى ضغط عصبي فى الفتره السابقة ) روحت طبعا لدكتورة باطنة تبع شغلى بشتكى من عدم النوم و الإجهاد الشديد و ذكرت موضوع الدم اللى مش فى ميعاده خالص ده فا كان تشخيصى بسبب انى سنى 30 سنة و غير متزوجة طبعاً لخبطة هرمونات و اصبري لو طول نزول الدم ده اكتر من اسبوع تتحولي أمراض نسا و ادتنى حبوب تساعدنى انام علشان مايحصليش انهيار عصبي و ابتديت انام بالمنوم يومين و الدم اختفي حاولت استغنى عن المنوم مابنمش طبيعي برضو قولت لنفسي اعصابى متوترة و كده و حبه حبه هارجع طبيعية و عدى الاسبوع التانى دخلت فى الأسبوع التالت ابتديت احس بجفاف شديد اوي فى بقي كأنى واكله قطن مستمر و بداية ظهور صداع شديد و اتطور لدوخة كده فشكيت انى علشان الرجيم اللى عاملاه ممكن يكون في فيتامينات عندى ناقصة فأخدت فيتا بلس تلات ايام كده لحد ماقضيت يوم كامل بقيت حاسه انى هايغمي عليا قولت مابدهاش اعمل تحليل دم اشوف في ايه نقص عندى جامد كده عملت اليوم اللى بعده تحليل دم و طلع سليم مافيهوش حاجة و احساس انى هايغمى عليا مستمر و كان اليوم ده يوم خميس يوم الجمعة نفس الشعور لحد الحصر كده ماشية فى البيت الدنيا ضلمت مرة واحده ووقعت اهلى قاسولى الضغط لاقيت 111/57 اتصلت بمدربة الجيم اللى بروحه و حكيتلها عن الدوخة و الضغط و الوقوع قالتلى كلى فورا اكل مملح و فيه سعرات حراريه فورا و شوفي الضغط بعدها اكلت و بعدها لسه مش مظبطة الضغط 136/65 تانى يوم قيست الضغط زبط بس قلبي عمال يخبط فى صدري هايموتنى والدتى شكت فى الحبوب الهباب دى تيربو سليم قالتلى ابطلها وانا ماسمعتش الكلام ماصدقتش دى اعشاب يعنى روحت الجيم كالعادة مش قادرة اتحرك ووقعت تانى حكيت كل حاجة للمدربة اترعبت طبعا و قالتلى ازاى تاخدى الزفت ده بيخرب الجسم و شالونى على المستشفى دخلت طوارئ و عملولى الإسعافات الأوليه كنت متلجة و بترعش و قلبي عمال يخبط في صدري و مش عارفة اتكلم كويس ادونى حقنة مهدئة لأن الدكتور ماكانش عارف الحبوب دى و أول مرة يشوفها و مايعرفش أثرها .....عملت بحث على النت و اكتشفت ان الحبوب دى بيتضاف عليها مادة محرمة دوليا اسمها ((السيبوترامين)) بتدمر الجسم حتى لو سليم و بتأثر على القلب و الكبد و الكلي و لاقيت كل الأعراض اللي عندى (اضطراب هرمونى ، أرق ، جفاف بالفم، اضطراب دورة دموية ، خفقان بالقلب، اضطراب أعصاب ، إكتئاب شديد ، دوار ) و كان اللى ناقص عندى ---> سكتة قلبية ، سكته دماغية و فى حالات كتير اتوفوا فوراً منه دون وجود تلف بأجسامهم كنت بموت حرفيا و كأن جسمى كله متشبع بسم جواه مش قادره لا أتحرك و لا أفكر و لاحتى أتكلم أمى سألت لحد ماوصلنا لدكتور متخصص في وحده السموم في القصر العينى و طلع عارفه و قالنا انه مش سم بس هافضل لمده 74 ساعة عقبال ماجسمى يتخلص من أثره و اروح لدكتور باطنة شاطر جدا على دراية بيه و بمكوناته علشان يعالج الاثار الجانبية اللي عندى و الحمد لله اتوفقنا لدكتور كويس و عارف السم الهاري ده طلب منى تحاليل غده و وظايف كبد و كلى علشان يطمن لطول المده نسبيا وصل لأجهزة جسمى تلف ولا لأ بس طبعا حصل عندى ضرر فى ضربات قلبي و الأعصاب و ادانى ادوية منظمة لضربات القلب و الأعصاب مع منع المجهود لمده 10 ايام و الاستمرار على المنوم لحد مارجع انام طبيعي أو لحد ما يشوفنى تانى ......طبعا مر عليا تلات ايام جحيم بس كل يوم افضل من التانى الحمد لله لسه ضربات قلبى ماتظبطتش هى و أعصابى اوي و لسه مش بنام طبيعى بس الحمد لله فى تحسن كل يوم و طلعت نتايج اختباراتى سليمة و الدكتور قالى انتى نفدتى بأعجوبة ربنا كاتبلك عمر .....ادعولي شفائي يتم على خير و يارب تكونوا استفدتوا من تجربتى و تعرفوا غيركم مايقعوش فى الفخ اللى وقعت فيه فى لحظة يأس و يجازى ولاد الحرام اللي بيصنعوة و يستوردوه و يبيعوه و طبعا بما انى ماكتبلوهيش دكتور و لا اخدت فاتورة من الصيدلية ماقدرش ابلغ و اخد حقى فى الجريمة دى اللى هايقع فيها غيري طول ماهما مستمريين بيبيعوا و في ظل غياب التوعيه و استمرار شركة ماجيستيك دى اعلانتها على القنوات الفضائية ليل و نهار عن السموم اللى بتبيعها و تغش الناس و تستغلهم دون ادنى ضمير او مسؤلية .ودا فيديو بياكد كلامي ياريت تشوفوه هوا كمان .
وقبل ا شىء استشيرى الدكتور لان اكتر ادوية التخسيس نفس النظام وليها اضرار خطيره عليكي ياحبيبتي عفانا الله وعافاكم يارب احلا فتكات .