السلام عليكم 
انا شوفت خير اللهم يجعله خير ان انا و ماما و جدتى الله يرحمها فى اسكندرية زى ما يكون فسحة كدا و روحنا نزور السيد البدوى و كنت واقفة اقدام شباك كدا و ببص منه على الضريح جوه و كان فى ناس كتير جوه وافقة و مبسوطة و فجأه شميت ريحة حلوة جداااا مسك على روايح كتيرة كلها احلى من بعض فبقول لماما الله الريحة دى حلوة اوى دى ريحة الجنة ولا ايه و بعد كدا ظهر فوق الضريح زى ما يكون شاب نايم انا فى الحقيقة عمرى ما شوفته و استغربت جدا ازاى نايم كدا و بعد كدا دخل ناس كتيرة و معاهم صوانى اكل   زى ما يكون جايين يزوره السيد البدوى و جايين اكل معاهم و بعد كدا بقول لجدتى انا مبسوطة اوى اننا جينا زى ما كونا بنروح نزور زمان و ببص على الشباك لقيت سمكة صغيرة فضلت اكل منها و انتهت الرؤية على كدا
انا عزباء اعمل لكن عملى غير مريح و بحاول اشوف مكان اخر فى مجال دراستى و انفصلت عن خطيبى مأخرا و ده مقصر عليا نفسياً 
حلم عادى مش استخارة 
ملتزمة الحمدالله و اللى معايا فى الرؤية امى و اسمها حنان و هى ملتزمة بردة و جدتى اسمها هانم بس هى متوفيه 
مع العلم انى مش بروح ازور اولياء الله الصالحين ولا عمرى زورت السيد البدوى و لما قريت عنه عرفت ان مكانه فى طنطا مش اسكندرية 
و بخصوص انى قولت لجدتى مبسوطة اننا زورنا زى زمان ده فعلاً كان زمان و انا صغيرة كنت بروح مع جدتى لزيارة واحد من اولياء الله الصالحين بس مش السيد البدوى 
ارجو التفسير و جزاكم الله خيراً يارب