( تجارب الصيام المتقطع فتكات )
ازيكم ياقمرات يارب تكونوا بخير وفى أحسن حال
كل عام وأنتم بخير
أنا جايه أنقلكم تجربتى مع نظام الصيام العكسى النظام الرائع بجد
انا خسيت مع الدايت ده حوالى 12 كيلو فى 3 شهور
انا حقولكم انا عملت ايه وحعمل جروب صغير هما 5 بنات مش اكتر عشان نعرف نتواصل ونكمل مع بعض ان شاء الله
اولا يابنات اللى فاهم ان النظام ده اكل فرى وتقفلى الساعه 6 ده غللللللللط
هو نظام دايت عادى بس ممكن تزودى حاجات بسيطه واهم حاجه انك توقفى اكل نهاااااائى الساعه 6
انا بعمل نظام دايت مريح جدا بفطر ربع رغيف مع اى بروتين عاده بيكون 2 بيضه ..طبق فول .. قطعه جبنه قريش ...واحده بطاطس مسلوقه مع خيار وطماطم وكوب شاي بلبن او نسكافيه
ده فطارى النهارده
وقبل الفطار بشرب ميه كتير مه 2 تفاحه
الغداء برده اشرب ميه الاول مع فاكهه مسموح بيها واتغدى بعد ربع ساعه ربع رغيف مع خضار ولحمه
او ربع فرخه مشويه او سمك مشوى وممكن تونه متصفيه من الزيت ولما بما من العيش باخد طبق مكرونه او ارزصغير
العشا بيكون اخف وجبه كنت باكل بقسماط دايت مع جبنه قريش
وساعات فاكهه وزبادى او جبنه قريش وخضار وبين الوجبات بشرب ميه كتيييييييير
بالنسبه للسكر هما معلقتين بس فى اليوم بحطهم فى فنجان قهوه لانى مدمنه بصراحه
باقى اليوم بقى ممكن اخد 2 كيس سكر دايت بس وساعات كيس واحد بسسسسسس
وده السكر اللى بستعمله امن جدا ومفهوش اضرار انا اشتريته بعد ماعملت عليه سيرش ولقيت اجماع عليه
دى العلبه بتاعته
وهو عباره عن اكياس صغيره الكيس بيعادل حلاوه 2 معلقه سكر ومش بيغير الطعم خالص
بالنسبه للرياضه اللى كنت بعتمد عليها وان شاء الله مكمله فيها هى رقص الزومبا دى رياضه جميله بس فى الاول متعبه وكمان كنت بنط الحبل وبستخدم جهاز الاوربتراك
ده ميزته بيخسس ويشد الجسم مع التخسيس
..عاده الاسبوع الاول من الدايت بيكون متعب جدا خصوصا للى متعودين عالاكل بليل
لو حسيتى بتعب جامد وبدأتى تضعفى حنخلى أول يومين من الدايت اخر ميعاد للأكل الساعه 8
تانى يومين الساعه 7
وبعد كده الساعه 6 وتكملى بقى على كده
بعد فتره أنتى حتحبى النظام وحترتاحى فيه جداااااااااااااااااا
أنا كده خلصت
