السلام عليكم ورحمة الله وبركاته
ازيكم يابنات يارب تكونوا بخير وياريت تاخدوا بالكم من صحتكم ف الجو دا علشان متتعبوش زيي
مش حطول عليكم انا حابة استشيركم ف موضوع يخص واحدة صاحبتي
ولاني مش عايزة اصدع دماغكم بتفاصيل حجيب من الاخر
زوج صاحبتي عنده نسبة تشوهات 76%
بس هو للاسف مش مقتنع ان عنده مشكلة ورافض رفض نهائي يروح لدكاترة
لان هي حملت قبل كدا اكتر من مرة بس محصلش نصيب والحمل كان بينزل بعد اسابيع قليلة
هو عنده اقتناع ان طالما حصل حمل يبقي هو معندهوش مشكلة
انا مش بلومه علي فكرته دي لان في دكاترة كتير قالوا ان الحيوان المنوي المشوه غير قادر علي اختراق البويضة واخصابها
بس هي من اخر حمل عدي عليها حوالي سنة محصلش فيها حمل خالص
ف السنة دي اقتنع اخيرا يحلل لانه كان رافض اصلا فكرة التحليل
دلوقتي بعد ماحلل وطلع عنده نسبة تشوهات رافض يروح يتعالج
صاحبتي نفسيتها تعبت من الموضوع دا وحاولت معاه كتير جدا بس من غير نتيجة
فأنا اقترحت عليها بعض الادوية اللي بتحسن التشوهات وقلتلها تحاول تقنعه ياخد العلاج طالما رافض يروح لدكاترة والعلاج ماهو الا بعض الفيتامينات والمكملات الغذائية ودي اكيد مش بتضر الا طبعا لو استخدمها فترات طويلة جدا
بس قلت الافضل اسأل اهل الخبرة
انا كصيدلانية اعرف ادوية كتير بتساعد في علاج تشوهات الحيوانات المنوية بس بصراحة حبيت استشيركم واعرف ايه الادوية اللي فعلا جابت نتيجة وقللت من نسبة التشوهات
يعني لو حد كان عنده نفس المشكلة واستشار دكتور وكاتبله علي علاج وجاب نتيجة الحمد لله ياريت يقولي العلاج كان ايه
طلب اخير ياريت تدعو لصاحبتي ان ربنا يرزقها قريب ويهدي جوزها
واسفة لو طولت عليكم
تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
اللي جوزها عنده تشوهات وحملت طبيعي ادخلي وساعديني
